Muffins za hazeli na chocolate

Muffins za hazeli na chocolate, ni muffins tamu zilizo sheheni ladha ya mchanganyiko wa njugu za hazeli pamoja na chocolate. Muffins hizi zafaa kula kama kifungua kinywa au kama kitafunio cha kawaida, pamoja na kikombe cha chai. Fuata hatua zifuatazo, ili ujifunze jinsi ya kupika muffins hizi za hazeli na chocolate.

Directions

Step1

Chukua bakuli kubwa. Weka ndani ya hilo bakuli, unga wa ngano, cocoa powder, hazeli zilizo sagwa, chumvi, baking powder, pamoja na sukari, kisha changanya vizuri.

Step2

Weka mayai, mafuta ya kupikia, maziwa, vanilla extract, pamoja na dark chocolate chips, kisha changanya vizuri kwa kutumia mashine ya kuchanganyia (mixer), hadi utakapo ona mchanganyiko huo umechanganyika vyema na kuwa laini.

Step3

Chukua sufuria la kuoka muffins (muffins pan), lenye matundu 12 ya muffins, na uweke ndani ya hayo matundu karatasi za kuokea muffin (muffin papers). Chukua bakuli lenye mchanganyiko ulio changanya na mashine ya kuchanganyia, na umimine mchanganyiko huo kwenye sufuria la kuoka muffins.

Step4

Washa jiko la kuoka, na uweke joto la nyuzi 175° C, kisha acha jiko lipate moto. Jiko likishapata moto, weka sufuria la kuoka muffins ndani ya hilo jiko, na uoke kwa muda wa dakika 20, au hadi utakapo ona muffins zimeiva na kuwa na rangi ya kahawia.

Step5

Muffins zikisha iva, ziondoe kwenye jiko la kuoka, kisha ziweke pembeni ili zipoe, zikiwa bado ndani ya sufuria la kuoka muffins. Muffins zikishapoa, unaweza kuzitoa ndani ya sufuria la kuoka muffins, tayari kwa kula.